गोपिकृष्णमा ‘ए मेरो हजुर २’ को चार पर्दा फूल
फिल्म ‘ए मेरो हजुर २’ ले बिहानी शोमा दर्शकको उल्लेख्य साथ पाएको छ । चावहिलको गोपिकृष्णका कृष्ण, ओम नम, शिवाय पर्दाहरु फूल हुंदा अष्ट, गुण, गंगा लगायत हलहरुपनि हाउसफूल भएका छन् । मल्टिप्लेक्समा बिहानी शो ८० प्रतिशतको अकुपेन्सी छ । मोफसलमा १२ बजेदेखि मात्रै शो सुरु हुनेछ ।
बिहानी शोको संकेतबाट फिल्म ‘ए मेरो हजुर २’ ले बम्परको ओपनिङ गर्ने आशा राखिएको छ । साम्राज्ञी राज्य लक्ष्मी शाह र सलिनमान बनियाँको मुख्य भूमिका रहेको फिल्म प्रतिक्षित थियो । झरना थापाको डेव्यु निर्देशन रहेको फिल्मले प्रिमियरमा राम्रो प्रतिक्रिया पाएको छ । फिल्मलाई सुनिल कुमार थापाले निर्माण गरेका हुन् ।