नेपाल आइडलमा चारै जना सुरक्षित, ‘सबै बिजेता’ : निश्चल
रियालिटी शो नेपाल आइडलको उत्कृष्ठ चारमा रहेका सबै जना प्रतियोगी सुरक्षित भएका छन् । निर्णायकको पावर प्रयोग गर्दै उत्कृष्ठ चारमा रहेका निशान भट्टराई, प्रताप दास, बुद्ध लामा र सागर आले सुरक्षित भएका हुन् । यसले उनीहरुका प्रशंसकमा खुसी छाएको छ ।
एपी वानबाट प्रशारण भैरहेको नेपाल आइडल पछिल्लो समयको चर्चित रियालिटी शो हो । यस शोको ग्रान्ड फिनाली कतारमा हुँदैछ । कतारको दोहामा उत्कृष्ट १२ मा पर्न सफल प्रतियोगीहरुले आफ्नो प्रस्तुती दिनेछन् । आइडलको निर्णायकमा न्युहु बज्रचार्य, ईन्दिरा जोशी र कालिप्रसाद बाँस्कोटा छन् ।
यस्तै भदौ २३ गते रिलिज हुेन फिल्म ‘२ रुपैयाँ’ को प्रचार गर्न नेपाल आइडल पुगेको नायक निश्चल बस्नेतले उत्कृष्ठ चारमा पर्ने सबै जना विजेता रहेको बताएका छन् । उनले नेपाली साँगीतिक क्षेत्रले नयाँ प्रतिभा पाएको बताए । उनीसँगै अर्का नायक आशिफ शाह पनि फिल्म प्रचारको लागि नेपाल आइडल गएका थिए ।
