कात्तिक २४ देखि ‘मेला’ लाग्ने, ‘परिचय पाउँ’ गीत रिलिज
फिल्म ‘मेला’ को पहिलो गीत रिलिज भएको छ । अर्जुज पोखरेलको संगीत रहेको परिचय पाउँ बोलको गीतमा अञ्जु पन्त र रामचन्द्र काफ्लेको स्वर छ । शब्द दिग्गज धुरालीको छ । पवित्रा आचार्य कोरियोग्राफी रहेको गीतको भिडियोमा पवित्रा आफैं र नायक गजित विष्टले नृत्य पस्केका छन् । भिडियो हेर्नुस् :
बसन्त निरौलाको निर्देशन रहेको फिल्म मेला मा सलोन बस्नेत, आमेश भण्डारी र अशिष्मा नकर्मीको मुख्य भूमिका रहेको छ । फिल्मको कथा, स्क्रिप्ट र संवाद हरि पन्तले गरेका हुन् फिल्ममा उनले सह निर्देशन समेत गरेका छन् । दिव्य सुवेदीको सिनेम्याटोग्राफी रहेको फिल्ममा अष्ट महर्जनको द्धन्द्ध निर्देशन छ ।
राज राधिका इन्टरटेनमेन्टको प्रस्तुती रहेको फिल्म मेला कात्तिक २४ गतेदेखि अल नेपाल प्रदर्शनमा आउँदैछ । आइतबार गरिएको प्रेसमिटमा सूचना तथा सञ्चारमन्त्री मोहनबहादुर बस्नेत प्रमुख अतिथि थिए ।
