३ दिनमा ‘ए मेरो हजुर २’ को ३ करोड बढी कलेक्सन

अभिनेत्री झरना थापा निर्देशित फिल्म ‘ए मेरो हजुर २’ ले तीन दिनमा ३ करोड ४३ लाख २९ हजार ग्रस कलेक्सन गर्न सफल भएको छ । शुक्रबार देशभर ९० पर्दाबाट ७८ लाख बढी ग्रस कलेक्सन गरेको फिल्मले पहिलो दिन राजधानीबाट ४५ लाख ५० हजार र राजधानी बाहिरबाट ३३ लाख २१ हजार कलेक्सन गरेको थियो ।

शनिबार फिल्मले देशभरबाट १ करोड ६० लाख ३० हजार ग्रस कलेक्सन गर्यो । आइतबार सार्वजनिक विदा परेको दिन राजधानीका हलहरुबाट ५३ लाख १५ हजार र मोफसलबाट ५१ लाख २५ हजार कलेक्सन गरेको थियो । मोफसल वितरण केदार पराजुलीले ‘ए मेरो हजुर २’ को व्यापारलाई ऐतिहासिक भनेका छन् । त्यस्तै काठमाडौं वितरक गोविन्द शाहीले ए मेरो हजुर २’ मा दर्शकको चापले गर्दा विदेशी फिल्मलाई समेत ठूलो धक्का लागेको बताए । अधिकांश हलबाट विदेशी फिल्म उतारेर ‘ए मेरो हजुर २’ लगाइएको छ शाहीले भने । प्रिमियरको भिडियो हेर्नुस् :

सुहाना इन्टरटेनमेन्टको व्यानरमा सुनिलकुमार थापा निर्मित सिनेमामा राज्यलक्ष्मी शाह, सलिनमान बनियाँ, सलोन बस्नेत, अम्बर सुवेदी, अनुराग कुँवर, बुद्दी तामाङ, अनुभव रेग्मी, विल्सनविक्रम राई लगायतका कलाकारको अभिनय छ । हल रिपोर्ट हेर्नुस् :

झरनाकी छोरी सुहानासँग गरिएको रमाइलो कुराकानी हेर्नुस् :