विश्वकै सुन्दर महिलाको पहिलो नम्बरमा दीपिका
एजेन्सी– बलिउड अभिनेत्री दीपिका पादुकोण विश्वका सुन्दर महिलाको सूचीमा एक नम्बरमा परेकी छिन् । अब्जर्भर डनले सुन्दरताको परिभाषा दिर्दै लेखेका छन्, ‘विश्वको सुन्दर महिलाले आफ्नो काम र अन्य गुणको माध्यमबाट जादुमय इतिहास रचेका छन् ।’
अब्जर्भर डनले लेखेका छन्, ‘मान्छेलाई शारीरिक रुपले भन्दा पनि विचारले सुन्दर बनाउँछ । उच्च विचारले मान्छेमा चमक ल्याउने काम गर्दछ । मान्छेको भित्री आत्मा देखि आएको कुरा निकै सुन्दर हुन्छ ।’ उनका अनुसार दीपिकाले सुन्दर हुनुको अर्थलाई बुझेर राम्रा काममा समय खर्चिएकी छिन् । यही कारणले उनलाई विश्वका सुन्दर महिलाको सूचीको अग्रस्थानमा राखिएको हो । दीपिकासँगै यो सूचीमा स्कारलेट जोनसन, एन्जेलिना जोली, बियोन्सीलगायत अभिनेत्री रहेका छन् ।
अहिले दीपिका ‘छप्पाक’को प्रमोसमान व्यस्त छिन् । यो फिल्ममा उनले लक्ष्मी अग्रवालको भूमिका निर्वाह गरेकी छिन् । मेघान गुलजारले निर्देशन गरेको यो फिल्म १० जनवरी २०२० मा रिलिज हुँदैछ । दीपिकाले छप्पाकको छायांकन सके लगत्तै ‘८३’ को छायांकन सुरु गरेकी छिन् । यो फिल्ममा कपिल देवको श्रीमतिको भुमिका निभाउदै छिन् । यो फिल्ममा दीपिका र रणवीर सिंहको मुख्य भुमिका रहेको छ ।
