पुष २८ बाट प्रियंका र आर्यनको ‘बटरफ्लाई’
द फ्रेम क्रियशन प्रालिको ब्यानरमा निर्माण भएको फिल्म ‘बटरफ्लाई’ (मायाका रङहरु) ले आगामी पुस २८ लाई आफ्नो रिलिज मिति घोषणा गरेको छ । ओम प्रतीक गुरुङको लेखन तथा निर्देशन रहेको फिल्ममा आर्यन अधिकारी, प्रियंका कार्की र अर्पण थापा मुख्य भूमिकामा प्रस्तुत भएका छन् ।
रमेश प्रजापति कार्यकारी निर्माता रहेको फिल्ममा ‘बटरफ्लाई’ मा पुष्पाञ्जली अधिकारी (सखा) निर्माता र रामशरण राणा, भुपेन्द्र सुवेदी, सरोज शाह सहनिर्माता रहेका छन् । कन्ट्रि निर्माताका रुपमा ध्रुवराज रहेका छन् भने सुरेश बज्राचार्यको छायाँकन रहने भएको छ । फिल्ममा कुमार महर्जनको द्वन्द्व निर्देशन, विकास चौधरी, दिपक शर्माको संगीत तथा कविराज गहतराजका कोरियोग्राफी रहेको छ । फिल्मको होली गीत बाहेक अन्य कुनै पनि प्रचारात्मक सामग्रीहरु सार्वजनिक भएका छैनन् ।