असोज ११ बाट सरे छवि, सोलो ‘छक्का पञ्जा २’
निर्माता छविराज ओझा असोज ११ बाट पछि हटेका छन् । फिल्म वितरणको जिम्मा लिएको एफडि कम्पनी, काठमाण्डौंका वितरक गोपाल कायस्थ र ‘छक्का पञ्जा २’ का निर्माता दिपकराज गिरीसँगको लामो छलफपछि छविराज असोज ११ बाट पछि हट्न राजी भएका हुन् । नवल नेपाल निर्देशित ‘मंगलम’ अब फागुन ४ गते प्रदर्शनमा आउनेछ । फिल्मको एउटा गीत समेत रिलिज भएको छ ।
‘मंगलम’ सरेसँगै असोज ११ गते फिल्म ‘छक्का पञ्जा २’ सोलो रिलिज हुने भएको छ । आफ्नो फिल्मलाई एकल रिलिज गर्न निर्माता दिपकराज गिरीलाई ठुलै छलफल तथा बहस गर्नु पर्यो । यता निर्माता ओझा भने वचनमा पक्का देखिएनन् । वितरकको लहैलहैमा लागेर हतारमा ‘मंगलम’को रिलिज मिति तय गरेका निर्माता ओझाले वितरककै दबाबमा फिल्मको प्रदर्शन मिति सारेका हुन् । ‘मंगलम’ को रिलिज मिति तय गरेको भोलिपल्टै निर्माता ओझा र नायिका शिल्पा पोखरेलले रमाईलो छ सँग यस्तो कुराकानी गरेका थिए । भिडियो हेर्नुस् :
