‘२ रुपैयाँ’ को ‘कुटुमा कुटु’ लाई मिल्यो १५ लाख
युट्युवमा रिलिज भएको एक सातामै फिल्म ‘२ रुपैयाँ’ को गीतलाई झण्डै पन्ध्र लाख बढीले हेरेका छन् । राजनराज सिवाकोटीको संगीत तथा शब्द रहेको ‘कुटुमा कुटु’ बोलको गीत एक सातादेखि नै नेपाल ट्रेन्डिङको दोश्रो नम्वरमा छ ।
संगीतकार सिवाकोटी, गायिका मेलिना राई र राजन इशानको स्वर रेहेको गीतले दर्शक तथा श्रोताको मन जितिरहेको छ । राजनराज सिवाकोटीकै संगीत रहेको फिल्म ‘छक्का पञ्जा’ पछि ‘कुटुमा कुटु’ लोक लयको गीत हिट भैरहेको हो । कविराज गहतराजको कोरियोग्राफी रहेको गीतको भिडियोमा निश्चल बस्नेत, स्वस्तिमा खड्का, अशिफ शाह र बुद्धि तामाङ फिचरिङ छन् ।
भिडियो :
जि ट्वान्टी वान प्रोडक्सन र ब्ल्याक हर्ष पिक्चर्सको संयुक्त प्रस्तुती रहेको फिल्म ‘२ रुपैयाँ’ लाई अशिम शाहले निर्देशन गरेका हुन् । फिल्म भदौ २३ गतेदेखि प्रदर्शनमा आउँदैछ ।
