सौगात र बेनिशापछि ‘कल्ली’मा वर्षा र नाजिरको आगमन
फिल्म ‘कल्ली’मा नायिका बर्षा राउत र नायक नाजिर हुसैन अनुबन्धित भएका छन् । फिल्मका निर्माता किरण नेपालीले दुबै कलाकारहरुसँग कागजी रुपमै सम्झौता भएको बताएका छन् ।
फिल्ममा फिल्ममा यस अगाडी सौगात मल्ल, बेनिशा हमाल, अर्पण थापा, वुद्धि तामाङ, कमलमणी नेपाल पक्का भैसकेका छन् । केही साता अगाडि मात्र अभिनेता उत्तम प्रधान फिल्ममा अनुबन्धित भैसकेका छन् । यस्तै, फिल्ममा माओत्से गुरुङ, रविन्द्र झा, विनोद न्यौपाने, रेअर राई पनि फाइनल भइसकेका छन् ।
रेड बर्ड प्रोडक्सन र कस्तुरी प्रोडक्सनको संयुक्त व्यानरमा निर्माण हुन लागेको फिल्ममा निसाल पौडेलको छायांकन, एसडी योगीको संगीत, रामजी लामिछानेको कोरियोग्राफी रहने पक्का भइसकेको छ ।
किरण नेपालीको लगानीमा बन्न लागेको यो फिल्ममा लक्ष्मण सुनारको लेखन एवं निर्देशन रहनेछ । फिल्मको पटकथा तथा संवाद महेश दवाडीले लेखेका हुन् । फिल्मको कथावस्तु यसपटक निकै फरक रहेको निर्माण पक्षको दाबी छ ।
