दिया र प्रियंका स्टारर ‘ममी’ माघ २५ गते प्रदर्शन हुने
फिल्म ‘ममी’ को प्रदर्शन मिती तय गर्दै फिल्मको पोस्टर सार्वजनिक गरिएको छ । पोटरमा अभिनेत्रीद्धय प्रियंका कार्की र दीया मास्के प्रस्तुत छन् । ममी माघ २५ गते प्रदर्शन हुने पोस्टरमा उल्लेख छ ।
फिल्मको सार्वजनिक पोस्टरमा एउटा ठुलो रुखको फेदमा घर अनि प्रियंका र दीयालाई सोही रुखको आकारमा प्रस्तुत गरिएको छ । पोस्टरमा प्रियंकालाई गम्भिर भावमा प्रस्तुत छिन् भने दीयाको रगताम्य अनुहारसहित डरलाग्दो अवतारमा प्रस्तुत छिन् । हरर फ्यामिली ड्रामा कथामा निर्माण भएको सिनेमाले एक परिवारमा छोरी र कुकुरको दुखद् निधन पश्चात रहस्यमय कालो बिरालो अपनाएसँगै निम्तने विपत्तिलाई दखाउने छ ।
एसओ ट्वान्टी फाइभको प्रस्तुतिमा निर्माण भएको सिनेमामा प्रियंका र दीयासँगै सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, रिना ढकाल लगायत कलाकारहरूको अभिनय रहेको छ । सिनेमामा समर निरौलाको लेखन तथा निर्देशन रहेको छ । यो उनको डेव्यु निर्देशकिय सिनेमा हो ।
लोक राज जोशी र पूर्णीमा जोशी निर्माता अनि सुमन कोइराला कार्यकारी निर्माता रहेको फिल्मलाई निसल पौडेल र शरद महतोले छायांकन गरेका हुन् । दिपेश चौधरीको कलर तथा सुरेन महर्जनको सम्पादन रहेको सिनेमालाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्दैछन् ।
