अवार्ड नपाएपछि शाहिदले कार्यक्रम बिचमै छोडे
एजेन्सी – बलिउड अभिनेता शाहिद कपूरको फिल्म ‘कबिर सिंह’लाई दर्शकले निकै रुचाएका थिए । फिल्मले बक्स अफिसमा राम्रो प्रर्दशन गर्नुको साथै शाहिदको अभिनयलाई पनि दर्शकले मन पराए ।
यो फिल्म २०१९ का हिट फिल्मको लिस्टमा पनि सामेल भएको छ । तर शाहिदले कुनै पनि अवार्ड पाएका छैनन् । भारतिय मिडियाअनुसार हालै एक अवार्ड समारोहमा शाहिदले अवार्ड नपाएपछि कार्यक्रमको बिचबाटै उठेर हिडेका छन् । अवार्ड समारोहमा शाहिदको परफर्मेन्स रहेको थियो । तर रणवीर सिंहले अवार्ड पाउने बित्तिकै शाहिद कार्यक्रम छोडेर गए ।
शाहिद अहिले तेलुगु फिल्म ‘जर्सी’को रिमेकमा काम गर्दैछन् । शाहिदको साथै फिल्मको उनका बुबा पंकज कपूर पनि देखिनेछन् । यो फिल्म एक असफल क्रिकेटरको कहानीमा आधारित रहेको छ ।
