गायक सुनिल गिरीले ल्याए ‘रोगै पिरती’ (भिडियो)
गायक सुनिल गिरीको नयाँ गीत रोगै पिरतीको म्यूजिक भिडियो सार्वजनिक भएको छ । गिरीले शनिबार आफ्नै च्यानलबाट ‘रोगै पिरती’ बोलको गीतको भिडियो सार्वजनिक गरेका हुन् । गीतको भिडियो हेर्नुस् :
गाउँले परिवेशमा तयार पारिएको भिडियो हेर्दा प्रेमील जोडीले आफ्नो वैशाँलु उमेरमा बिताएको प्रेम र विछोडका विभिन्न चरणहरुलाई महशुस गर्न सक्छन् । भिडियोमा सुनिल गिरीलाई समिक्षा क्षेत्रीले अभिनयमा साथ दिएकी छिन् । लाम क्यारे माया बोलको गीतको चर्चापछि सुनिलले रोगै पिरती ल्याएका हुन् ।
मनोज कार्कीको सम्पादन तथा मोसन ग्राफिक रहेको भिडियोको निर्देशन अनिलकृष्ण मानन्धरले गरेका हुन् । निर्देशक मानन्धरकै छायांकन रहेको गीतको एजेन्ज, कम्पोज पनि गायक गिरीकै हो ।
