‘प्रेम पिण्डकी’सनी रौनियारको ‘खुल्ला आकाश’
प्रेमपिण्डकी अभिनेत्री सनी रौनियार लामो समय पश्चात पर्दामा फर्किएकी छिन् । फिल्ममा नभएर म्युजिक भिडियो मार्फत सनी दर्शकमाझ आएकी हुन् । अभिनेत्री सनी सिंहको स्वर तथा मोडलिङमा ’खुल्ला आकाश’ बोलको भिडियो सार्वजनिक भएको छ । भिडियो हेर्नुस् :
सनीको गीत ’खुल्ला आकाश’ को भिडियोको निर्देशन बरिष्ठ संचारकर्मी एवं निर्देशक भुषण दाहालले गरेका छन् । राजु सिंहको संगीत रहेको खुल्ला आकाश’ मा बिजय शिवाकोटीले शब्द लेखेका छन् । अरेञ्ज गोपाल रसाईलीको छ । छायाँकन जीवन रिजालले गरेका छन् भने भिडियोको सम्पादन भरत रेग्मीले गरेका हुन् ।
सनीले करिब २४ बर्ष अगाडी ’सनी’ नामक गीति एल्बम ल्याएकी थिइन् । यस पश्चात सनीले ’प्रेमपिण्ड’,’सडक’,’सिता’ र ’दैबसंजोग’ जस्ता फिल्ममा अभिनय गरिन् ।
