द भ्वाईसका पृथ्वीको ‘सरर लिपुलेक’ मा ‘कमेडी च्याम्यिन’का खबपु
‘द भ्वाईस अफ नेपाल सिजन २’ मा सहभागि गायक पृथ्वी खनालले नेपाल र भारतको सीमा विवादलाई समेटेर राष्ट्रिय गीत सार्वजनिक गरेका छन् । ‘सरर लिपुलेक’ बोलको यस गीतमा पृथ्वी खनालको स्वर रहेको छ भने गीतको भिडियोमा भने कमेडी च्याम्पियनबाट चर्चामा आएका खड्ग बहादुर पुन अर्थात् खबपु फिचर्ड छन् । गीतको भिडियो हेर्नुस् :
उनीसँगै गायक पृथ्वी, डम्बर लगायतका कलाकारलाई भिडियोमा देख्न सकिन्छ । यस गीतमा पृथ्वी स्वयम र डम्बर हिमाङको शब्द छ । गीतमा संगीत भने डम्बरले भरेका छन् । सञ्चारकर्मी हरि पुन मगरको निर्देशन रहेको यस भिडियोलाई पिटर गुरुङले छायाकंन र सम्पादन गरेका हुन् । लक डाउनकै समयमा तयार पारिएको यस गीतलाई गायक पृथ्वीले आफ्नै अफिशियल युट्युब च्यानलबाट सार्वजनिक गरेका छन् ।
