सामाजिक दुरी कामय गर्दै बन्यो ‘ए है माया’ (भिडियो)
लकडाउनमा सामाजिक दुरी कायम गर्दै सरोज ओलीले नयाँ म्युजिक भिडियो निर्माण गरेका छन् । ‘ए है माया’ बोलको गीतमा ओलीलाई गायिका मेलिना राईले स्वरमा साथ दिएकी छिन् । संगीत दिपक शर्माको छ । भिडियो यस्तो छ :
गीतको भिडियोमा नायक पल शाह, कलाकारद्वय रियाशा दाहाल, सागर लम्साल क्षेत्री (बले) र टिकटकर्स सुधिर श्रेष्ठले मोडलिङ गरेका छन् । रचनाकार समेत रहेका सरोज ओलीले आफ्नै निर्देशनमा भिडियो बनाएका हुन् । छायाँकन नवराज उप्रेतीले गरेका हुन् । भिडियो अस्पतालको परिवेश खिचिएको छ । जहाँ पल डाक्टर, रियाशा बिरामी, सागर सुरक्षाकर्मी र सुधिरलाई अस्पतालको सफाइ कर्मचारीको रुपमा प्रस्तुत गरिएको छ ।
भिडियोको अन्त्यमा कोरोना लागेका व्यक्तिलाई माया को खाँचो रहेको र यसले रोगलाई निको पार्न मद्धत गर्ने सन्देश पनि दिइएको छ ।
