यस्तो बन्यो दुर्गेश थापाको ‘बिच्च बिच्चमा २’ को भिडियो
गायक दुर्गेश थापाको नयाँ गीत ‘बिच्च बिच्चमा २’ को भिडियो सार्वजनिक भएको छ । दुर्गेश थापाको शब्द तथा संगीत रहेको गीतमा हरितालिका तीज, कोरोना, लकडाउन र देशको राजनीतिक अवस्था बारे चर्चा गरिएको छ । गीतको भिडियो हेर्नुस् :
शिव विकको निर्देशन तथा कोरियोग्राफी रहेको गीतमा दुर्गेश थापा सहित अन्य मोडलहरुलाई देख्न सकिन्छ । जीवन शाहनी क्षेत्री, जीबि चिरन, दिपाशा विसी, अस्मिता जुरेली, टिका जैशी, सविता राई, यिनी विष्ट, शिल्पा खड्का लगायत भिडियोमा फिचर्ड छन् । छायाँकन अर्जुन तिवारीको छ ।
गत वर्ष तीजमा आएको ‘बिच्च बिच्चमा’ गीतको सफलता पछि दुर्गेशले बिच बिचमा २ ल्याएका हुन् । फिल्म छ माया छपक्कै प्रचारमा पनि दुर्गेशको बिच्च बिच्चमा गीत प्रयोग गरिएको थियो ।
