‘पिरिम नलाउने’ समुहको ‘गलबन्दी पछ्यौरी’ सार्वजनिक
पिरिम नलाउनेको सफलतापछि सोही समुहले ‘गलबन्दी पछ्यौरी’ गीत ल्याएको छ । दिपक शर्माको शब्द तथा संगीत रहेको गीतमा आशिष सचिन अनि मेलिना राईको स्वर छ । भिडियो हेर्नुस् :
सुव्रतराज आचार्यको निर्देशन रहेको भिडियोमा बर्षा राउत, रेश्मा घिमिरे र गायक सचिनको नृत्य देख्न सकिन्छ । यस्तै भिडियोमा बाल कलाकार अर्विन खड्का र अर्शिना भट्टराईको पनि अभिनय छ । अर्जुन तिवारी र उनको समुहले खिचेको भिडियोलाई नविन निरौलाले सम्पादन गरेका छन् ।
शुक्रबार, बत्तीसपुतलीको एक व्याङक्वैटमा कोरोनाबाट बच्ने उपाय अपनाउँदै प्रेसमिट गरेर गलबन्दी पछ्यौरी गीतको भिडियो रिलिज गरिएको हो । भिडियोको छायाँकन लकडाउन अगाडी गरिएको थियो ।
