गुन्द्रीमा पिरती साट्दै सरोज र आश्मा
कार्टुञ्ज क्रुका सरोज अधिकारी र आश्मा विश्वकर्माको नयाँ गीत आउँदैछ । साउन १ गते, बिहिबार रिलिज हुने पिरतीको गुन्द्री गीतको भिडियोमा सरोज र आश्मालाई रोमान्टिक अवतारमा देख्न सकिन्छ ।
युवराज वाइवाको सोच तथा निर्देशन रहेको भिडियोमा सरोज र आश्मालाई गुन्द्रीमा बेरिएको अवस्थामा देख्न सकिन्छ जसको फोटो निर्माण टिमले सार्वजनिक गरेको छ । गीतको भाव अनुसार नै सरोज र आश्मालाई भिडियोमा प्रस्तुत गरिएको निर्देशक वाइवाको भनाई छ । दिपकराज विश्वकर्माको संगीत रहेको गीतका शब्द विष्णु बिरही श्रेष्ठले लेखेका हुन् । स्वर डेविड शंकर र विनी श्रेष्ठको स्वर छ ।
यो गीतको पोस्टर डिजाइन राकेश दाहालले गरेका हुन् भने भिडियोमा मिक्सिङ एण्ड मास्टरिङ श्याम श्वेता रसाईलीका छ । एरेञ्ज उदयराज पौडेलको हो । उत्सब दाहालको छायाँकन गरेको भिडियोलाई विकास दाहालले सम्पादन गरेका छन् ।
