विवादपछि हट्यो सोफियाको ‘अबको तीज, नो व्रत प्लिज’ गीत
गायिका सोफिया थापाको ‘अबको तीज, नो व्रत प्लिज’ बोलको गीत विवादपछि अफिसियल युट्यब च्यानलबाट हटाइएको छ । उनले आइतबार गीत सार्वजनिक गरेकी थिइन् । उनले गीत सार्वजनिक गरेपछि युट्युबमा नकारात्मक प्रतिक्रिया आउनुको साथै हिन्दु धर्मको परम्परा विपरित रहेको भन्दै गीत हटाउन धम्की आएको थियो ।
हिन्दु जागरण नेपालले विज्ञप्ति सार्वजनिक गर्दै युट्यवबाट गीत हटाउन अनुरोध थियो । त्यस्तै, अन्य संस्थाले पनि यस गीतप्रति आपत्ति जनाएका थिए । गायिका सोफियाको स्वर, शब्द तथा संगीत रहेको गीतमा महिला र पुरुष बराबरी भएको भन्द खुट्टाको पानी खानुपर्ने व्रत नबस्ने उल्लेख गरिएको थियो ।
