‘ए है माया’ युनिटले काट्यो एक करोडको केक
लकडाउनमा खिचिएको म्युजिक भिडियो ‘ए है माया’लाई युटुवमा एक करोड पटक हेरिएको छ । युटुवमा करोड भ्युज पुगेको खुसीयालीमा गीतका गायक तथा भिडियोका निर्माता सरोज ओलीले टिमसँग केक काटेर खुसियाली बाँडेका छन् ।
गायक तथा निर्माता सरोज ओली, भिडियोका मोडल पल शाह, सुधिर श्रेष्ठ र रियाशा दाहाल, संगीतकार दिपक शर्मा लगायत सहभागी भएर मंगलबार केक काटेका हुन् । गीतमा मेलिना राईको फिमेल भोकल छ । शब्द सरोज ओलीले नै लेखेका हुन् ।
सरोज ओलीले निर्देशन गरेको गीतको भिडियोमा पल, सुधिर र रियाशासँगै कलाकार सागर लम्साल बले पनि फिचर्ड छन् । गीतमा कोरियोग्राफी विक्रम स्वाँरको छ । छायाँकन नवराज उप्रेतीले गरेका हुन् ।
