आलियाको ‘सडक २’लाई नकरात्मक प्रतिक्रिया
एजेन्सी– आलिया भट्ट स्टारर फिल्म ’सडक २’ प्रदर्शनीमा आइसकेको छ । २८ अगस्टबाट डिज्नी प्लस हटस्टारमा प्रशर्दशन भएको फिल्मलाई समिक्षकहरुले निकै कम रेडिङ दिएका छन् ।
महेश भट्ट निर्देशित यस फिल्मबारे दर्शक तथा समीक्षकले भने खासै राम्रो प्रतिक्रिया दिएका छैनन् । फिल्मले आइएमडीबीमा १.१ मात्र रेटिङ पाएको छ, जुन एकदमै खराब रेटिङ हो । त्यस्तै, समीक्षकहरूले पनि फिल्मलाई कम रेटिङ दिएका छन् । तरण आदर्शले १ रेटिङ दिदै फिल्मलाई खराब बताएका छन् । सडकको जस्तो स्टोरी ‘सडक २’ले देखाउन नसकेको समीक्षकको भनाइ छ ।
सुशान्त सिंह राजपुतको निधनको कारण बलिउडमा भएको नेपोटिजम र त्यसलाई बढावा दिनेमा महेश भट्ट, आलिया भट्टलगायत रहेको भन्दै दर्शकले सडक २ लाई बहिष्कार गर्ने बताएका थिए । यस फिल्मको ट्रेलर १ करोड २० लाखभन्दा बढी डिसलाइक गरिएको छ ।
महेश भट्टले निर्देशन गरेको फिल्म ‘सडक २’ मा आलिया भट्टसँगै सञ्जय दत्त, आदित्य रोय कपुरको पनि मुख्य भूमिका रहेको छ ।
