कोरोना कहरबीच ‘बन्टी और बबली २’को छायांकन सकियो
कोरोना कहरबीच सैफ अली खान र रानी मुखर्जी स्टारर फिल्म ‘बन्टी और बबली २’ को छायांकन सकिएको छ । फिल्मको पूरै छायांकन यशराज फिल्म्स स्टूडियोभित्र गरिएको हो ।
अभिनेता सैफ अली खानले फिल्मको सुटिङ सेटमा सुरक्षा अपनाएको बताउदै भने, ‘यो निकै संवेदनशील समय हो । अभिनेता, निर्माता सहित पूरै टिमले अतिरिक्त सतर्कता अपनाएका थियौं । यी सावधानीबीच हाम्रो सुटिङ अनुभव राम्रो रह्यो । मलाई घरभन्दा बढी सुरक्षित महसुस भएको थियो ।’
फिल्मको सुटिङ सेटमा मेडिकल स्टाफको समेत व्यवस्था गरिएको थियो । वरुण शर्माले निर्देशन गरेको फिल्ममा सैफ र रानीसँगै सिद्धान्त चतुर्वेदी र शरवरी वाघको पनि मुख्य भुमिका रहेको छ । यो फिल्ममा सैफको रानीसँग जोडी बाँधिएको छ ।
