अक्षयको ‘लक्ष्मी बम’ दिपावलीमा प्रदर्शन हुने
बलिउड अभिनेता अक्षय कुमार स्टारर फिल्म ‘लक्ष्मी बम’को मोसन टिजर सार्वजनिक भएको छ । फिल्मको मोसन टिजर सार्वजनिक गर्दै प्रदर्शन मिति तय गरिएको छ । यो फिल्म दिपावलीको अवसर पारेर नोभेम्बर ९ मा डिज्नी प्लस हटस्टारमा रिलिज हुँदैछ ।
सार्वजनिक टिजरमा अक्षयको भुमिका लक्ष्मणबाट लक्ष्मीमा परिर्वतन हुुन्छ । अक्षयले आफ्नो इन्स्टाग्रामबाट टिजर सार्वजनिक गर्दै लेखेका छन्, ‘यस दिपावलीमा तपाईहरु घरमा लक्ष्मीसँगै एक धमाकेदार बम पनि आउने छ । ‘लक्ष्मी बम’ नोभेम्बर ९ मा डिज्नी प्लस हटस्टारमा आउँदैछ । एक पागल बनाउने यात्राको लागि तयार हुनुस् ।’ फिल्ममा अक्षयले एक किन्नरको भुमिका निभाएका छन् ।
राघव लरेन्सले निर्देशन गरेको फिल्ममा अक्षय र कियारा अडवाणीको अभिनय रहेको छ । यो सुपरहिट तमिल फिल्म ‘कंचना’को हिन्दी रिमेक हो ।
