ड्रग्स केसमा नाम आएपछि अदालत पुगिन् रकुल
एजेन्सी– बलिउड नायिका रकुल प्रीत सिंहले ड्रग्सको केसमा आफ्नो नाम जोड्दै मिडियाले बदनाम गरेपछि अदालतमा उजुरी दिएकी छन् ।
रकुलले यो केसमा आफ्नो नाम जर्बजस्ती प्रयोग गरिएको र यसमा मिडिया ट्रायल भैरहेको भन्दै आपत्ती जनाएकी छिन् । दिल्लीको उच्च न्यायलमा उनले उजुरी दिदै मिडिया ट्रायल तत्काल रोक्न र कारबाहीको माग गरेकी छिन् ।
सुशान्त सिंह राजपूतको केसमा ड्रग्स कनेक्सन जोडिएपछि नायिका रिया चक्रवर्तीसँग एनसीबीको सोधपुछमा उनले सारा अली खान र रकुलप्रीत सिंहको नाम लिएको खबर बाहिरिएको थियो । साथै रियाले बलिउडका २५ कलाकारको समेत नाम लिएको खबर बाहिरिएको छ । तर, एनसीबीका निर्देशक केपीएस मल्होत्राले रियाले कुनै कलाकारको नाम नलिएको बताएका छन् ।
