ड्रग्स केसमा जोडियो दीपिकाको नाम
एजेन्सी– बलिउड नायक सुशान्त सिंह राजपूतको निधनपछि ड्रग्स केस छानविन भईरहेको छ । यस केसमा सुशान्तकी प्रेमिका रिया चक्रवर्ती जेलमै छिन् ।
केहि समय अगाडी ड्रग्स केसमा सारा अली खान र रकुल प्रीत सिंहको नाम आएको थियो । यसैबीच, नायिका दीपिका पादुकोणको नाम पनि यो केसमा जोडिएको छ ।
नायिका दीपिका पादुकोणले जया शाहकी म्यानेजरसँग ड्रग्स मागेको मेसेज एनसीबीको टिमसम्म पुगेको छ । दीपिकाले जया शाहकी म्यानेजर करिश्मा प्रकाशसँग ड्रग्स मागेको मेसेज बाहिरिएको हो । जयासँगको च्याटमा श्रद्धा कपूरको नाम पनि आएको छ । उनले जयासँग सीबीडी आयल मागेको खुलासा भएको छ ।
दीपिकाको नाम सार्वजनिक भएसँगै नायिका कंगना रनावतले उनी ड्रग्स सेवन गरेकै कारण डिप्रेशनमा पुगेको भन्दै ट्विट गरेकी छिन् । साथै उनले बायकट दीपिका पादुकोण लेखेकी छन् ।
