टाइगरलाई गायनमा पनि रुचाउदै
बलिउडमा एक्सन स्टारको रुपमा परिचित टाइगर श्राफले आफ्नो स्वरमा पहिलो गीत सार्वजनिक गरेका छन् । उनले बीग बैंग म्युजिकबाट सार्वजनिक भएको ‘अनबिलिवेबल’ बोलको गीतमा स्वर दिएका छन् । गीतको भिडियोमा टाइगरको अभिनय समेत देख्न सकिन्छ । गीत हेर्नुस् :
यो गीतलाई दर्शकले रुचाइरहेका छन् । गीतको भिडियोलाई पुनित मल्होत्राले निर्देशन गरेका हुन् । सन्थाना कृष्णान रविचन्द्रले छायांकन गरेको म्युजिक भिडियोलाई शक्ति हसिजाले सम्पादन गरेका हुन् ।
टाइगरले सामाजिक सञ्जालमा गीत सेयर गर्दै लेखेका छन्, ‘मलाई लाग्थ्यो कि गीत गाउन भन्दा एउटा घरबाट अर्को घरमा दौडन नै गाह्रो हुन्छ । तर, गीत गाउनु अहिलेसम्मकै चुनौतीपूर्ण र सबैभन्दा आनन्द दिने काम लागेको छ । विश्वभरका संगीतकारलाई मेरो धेरै सम्मान छ ।’
