‘मैसाव’सँग पल शाहलको दोहोरो रोल (भिडियो)
सत्य स्वरुपराज आचार्यको नयाँ गीत ‘मैसाव’ सार्वजनिक भएको छ । ‘मैसावले घाइते दिलमा आरा चलाइस्यो’ गीतको भिडियोमा पल शाहलाई दोहोरो भूमिकामा देख्न सकिन्छ । भिडियो ः:
कविराज गहतराजको कोरियोग्राफी तथा निर्देशन रहेको म्युजिक भिडियोमा पलले राजकुमार दाजुभाइको भूमिका निभाएका छन् भने राजकुमारीको भूमिकामा छुकिला शेर्पा छिन् । अमृत खतिवडा र सत्यस्वरुपको शब्द रचना रहेको गीतमा राजखानदानमा प्रयोग हुने उच्च आदरार्थी शब्दहरु प्रयोग भएका छन ।
संगीत सत्यस्वरुपले नै संयुक्त रुपमा दिएका छन् । संगीत संयोजन उदयराज पौडेलको छ । कैलाश राईद्वारा निर्मित भिडियोमा कोरियोग्राफी दीपकराज सुनार, सम्पादन अर्जुन जिसी, भिएफएक्स सत्यम राना, कलर रेनिष फागोको रहेको छ ।
भिडियोमा होटल याक एण्ड यतीलाई दरवारको रुपमा प्रयोग गरिएको छ । भिडियोमा सत्यस्वरुपलाई पनि कवाली गाउँदै गरेको देखिन्छ । सत्यस्वरुपले करिब तीनवर्ष पछि आफ्नो एल्बम स्रोता तथा दर्शकमाझ ल्याएका हुन् ।
