एलिजासँग नरेशको ‘झन् झन् माया बढ्यो’ (भिडियो)
गायक नारायण धिताल र गायिका मेलिना राईको स्वरमा ‘झन् झन् माया बढ्यो’ गीत सार्वजनिक भएको छ । गीतको भिडियोमा सञ्चारकर्मी नरेश भट्टराई र मोडल एलिजा गौतमलाई रोमान्टिक अवतारमा देख्न सकिन्छ । भिडियो :
संगीतकार तथा प्राज्ञ सुनिल मास्केको शब्द तथा संगीत रहेको गीतमा सचिन सिंहको संगीत संयोजन रहेको छ । लामो समयदेखि बेल्जियममा बस्दै आएका गायक तथा समाजसेवी नारायण धिताल डेढ दशक देखि नेपाली गीत संगीत क्षेत्रमा सक्रिय छन् । यस अघि धितालका थुप्रै गीत सार्वजनिक भई सकेका छन् ।
भिडियोलाई युवराज वाइवाले निर्देशन गरेका हुन् । निसल पौडेलले छायाँकन गरेको भिडियो लाइ विकाश दाहालले सम्पादन गरेका छन् । मंगलबार प्रेसमिट गर्दै भिडियो सार्वजनिक गरिएको हो ।
भिडियो सार्वजनिक कार्यक्रममा निर्देशक मिलन चाम्स, निर्देशक समाजका महासचिव जनकदिप पराजुली, एसपी प्रेम कुमार श्रेष्ठ, निर्माता ज्योतिराज राई, मिस नेपाल सुगारिका के.सी लगायतको उपस्थिति थियो ।
