’आँसुको अर्थ ३’मा आकाशको छटपटी (भिडियो)
गायक शिव परियारको स्वर तथा संगीतमा ’आँसुको अर्थ ३’ ‘तिमिले पो सक्यौ त’ को भिडियो सार्वजनिक गरिएको छ । यसअघि सार्वजनिक भएका ‘आँशुको अर्थ’ र ‘आँसुको अर्थ २’ लाई दर्शक तथा स्रोताले रुचाएका छन् । भिडियो हेर्नुस् :
गीतमा संचारकर्मी समेत रहेको रवि अधिकारीको शब्द छ भने गोपाल रसाइलीले संगीत संयोजन गरेका हुन् । स्टुडियो साउन्ड मिलमा रेर्कडिङ गरिएको यो गीतमा महेश्वरमान राजभण्डारीको रेकर्डिङ, मिक्सिङ तथा मास्टरिङ रहेको छ ।
’आँसुको अर्थ ३’मा नायक आकाश श्रेष्ठको अभिनय छ । भिडियोमा नायिका स्वस्तिमा खड्कालाई पनि केही झलक देख्न सकिन्छ । यस भिडियोलाई निकेश खड्काले निर्देशन गरेका हुन् । हरि हुमागाईंको छायांकन र धमला विकासको सम्पादन छ ।
