नयाँ झलक: महाशिवरात्रीमा ‘लप्पन छप्पन २’लाग्ने
फिल्म लप्पन छप्पन २ को पोस्टर र नयाँ प्रदर्शन मिति सार्वजनिक गरिएको छ । सौगात मल्ल, अर्पण थापा र अनुप विक्रम शाही स्टारर फिल्म यही सालको महाशिवरात्री फाल्गुन २७ गते रिलिज गर्ने निर्माण टिमले जनाएको छ ।
गोल्डेन हिल्स पिक्चर्ससँग रोयल कुँवर इन्टरटेनमेन्ट, इपी एजुकेशन अस्ट्रेलिया, उमी ग्रुप युरोप र म्याक मिडियाले सहकार्य गरी निर्माण गरेको फिल्मलाई मुकुन्द भट्टले निर्देशन गरेका छन् । खिलेन्द्रराज तिमसिना प्रस्तुतकर्ता रहेको फिल्ममा शिव श्रेष्ठ, सौगात मल्ल, अर्पण थापा, अनुपविक्रम शाही, गोविन्द शाही, प्रकाश कुँवर, दीपक क्षेत्री, राजेन्द्र विष्ट शक्ति श्रेष्ठ, सिर्जना सिना,केरोलिन कोलिन्डा, सुपर गुरुङ, आना ढकाल लगायतका कलाकारको अभिनय छ ।
लप्पन छप्पन २ मा निर्देशक भट्ट, सुनिल नेउरे र अमिता शर्माको पटकथा तथा संवाद, पुरुषोत्तम प्रधानको छायांकन, शम्भुजित बाँस्कोटा, राजेन्द्र भट्ट एमआर आरजे), दीपक आरजे र बुलेट फ्लोको संगीत, नरेश नाथ योगी को कोरियोग्राफी, हिमाल केसी र मिलन श्रेष्ठको सम्पादन छ ।
सुरज अधिकारी र प्रजापति सिवाकोटीको कार्यकारी निर्माता, प्रकाश कुँवर, निर्मलकुमार मिश्र, चिजकुमार श्रेष्ठ, सुदिपचन्द्र भक्रेल र सन्तोषचन्द्र भक्रेल निर्माताको रुपमा छन् ।
