विश्व प्रकाश शर्माले ’ऐना’ चलाउने (थिम सङ)
कांग्रेस प्रवक्ता विश्व प्रकास शर्मा टेलिभिजन कार्यक्रम प्रस्तोताको रुपमा देखिने भएका छन् । कान्तिपुर टेलिभिजनबाट प्रसारण हुने क्रममा रहेको कार्यक्रम ’ऐना’ को संचालन शर्माले गर्ने तयारि गरेका हुन् ।
उक्त कार्यक्रमको थिम संग निर्माण टिमले केहि दिन अगाडी सार्वजनिक गरेको छ । गीतमा श्रवण मुकारुङ्गको शब्द र मोहित मुनालको संगीत रहेको छ । गीतको भिडियोमा विश्वप्रकाशका विभिन्न फुटेजहरुलाई प्रस्तुत गरिएको छ ।
समाजका विभिन्न क्षेत्रका यथार्थ चित्रण गराउने कोसिश कार्यक्रम मार्फत गरिने निर्माण टिमले बताएको छ । कार्यक्रमलाई अमन प्रताप अधिकारीले निर्देशन गर्दैछन् ।
