चाइल्ड भर्सनमा ‘फूल बुट्टे सारी’ सार्वजनिक (भिडियो)

मेल र फिमेल भर्सनमा सुपरहिट ‘फूल बुट्टे सारी’को चाइल्ड भर्सनमा पनि सार्वजनिक भएको छ । राजन राज सिवाकोटीकै शब्द तथा संगीत रहेको चाइल्ड भर्सनमा अरिष्मा सिवाकोटीले दिएकी छिन् । भिडियोमा फिचर्ड पनि अरिश्मा नै छिन् । भिडियो :

यस्तै छोटो समयमै करोड क्लबमा पुगेको ‘फूल बुट्टे सारी’ गीत युनिटले अग्रज कलाकारहरुलाई सम्मान गरेको छ । बुधबार एक कार्यक्रमको आयोजना गर्दै वरिष्ठ हाँस्य व्यांग्य कलाकार मदनकृष्ण श्रेष्ठ र गीतकार राजुबाबु श्रेष्ठलाई सम्मान गरिएको हो ।

राजनराज सिवाकोटीको शब्द तथा संगीत रहेको ‘फूल बुट्टे सारी’ मा मार्मिक लामा (मेल भर्सन) र मिलन नेवार (फिमेल भर्सन) स्वर छ । एरेन्ज सञ्जीव बराइली र मिक्सिङमा श्यामश्वेत रसाइली रहेको छ । मेल र फिमेल भर्सन दुवै गीतको भिडिओलाई राजेश पुमा राईले निर्देशन गरेका छन् । महिला स्वरमा रहेको फूल बुट्टे सारीमा पल शाह र मालिका महत तथा पुरुष स्वरमा रहेको गीतको भिडिओमा सोना लिम्बु, आनन्द सिंह दनुवारलाई फिचरिङ गरिएको छ ।

बुधबार आयोजित सो कार्यक्रममा दुवै भर्सनको गीतको अडिओ तथा भिडिओका टीमलाई वरिष्ठ कलाकार मदनकृष्ण र गीतकार राजु बाबुको हातबाट सम्मान गरिएको थियो ।