‘जनकपुरे रेल’मा सरोज र आश्मा (भिडियो)
अनिल जोशी र अस्मिता अधिकारीको स्वरमा ’जनकपुरे रेल’ बोलको गीत सार्वजनिक भएको छ । जसमा जगत तिरुवाको र्याप छ । भिडियो :
गायक जोशीले तयार पारेको शब्दमा जोशी र तिरुवाले संयुक्त रूपमा संगीत भरेका छन् । गीतको एरेन्ज भने मोहित मुनालले गरेका छन् । डान्सिङ शैलीमा तयार भएको गीतको भिडियोमा कार्टुन क्रुका सरोज अधिकारी र आश्मा विश्वकर्माको नृत्य देख्न सकिन्छ । माइकल चन्दको निर्देशनमा बनेको भिडियोमा माइकल स्टेप-अप आर्ट एकेडेमीको करियोग्राफी रहेको छ ।
उत्सव दाहालले खिचेको भिडियोमा शिलन लम्सालको सम्पादन तथा कलर छ । भिडियोको निर्माता नवराज शर्मा हुन् । भिडियोलाई ’सेभेन इलाभेन म्युजिक फ्याक्ट्री’ ले निर्माण गरेको हो ।
