मिस्टर आर.जेको ‘माकुरी’हरु हेर्नुस् (भिडियो)
नेपाली साँगीतिक क्षेत्रमा आफ्नै पहिचान बनाएका र्यापर राजेन्द्र भट्ट (मिस्टर आर.जे)को नयाँ गीत ‘माकुरी’ सार्वजनिक भएको छ । समिर आचार्य र रोशनी थापाको स्वर रहेको गीतमा मिस्टर आर.जेको र्याप छ । गीतमा शब्द नवराज कलाउनीको छ भने मिस्टर आरजेले नै संगीत भरेका छन् । गीतमा एरेन्ज मोहित मुनालको रहेको छ । भिडियो :
गीतको भिडियोमा जिबेश गुरुंग, एलिस राई, हरिश निरौला (कक्रोज), उषा उप्रेती र ट्वीनि गल्र्ससमारिका र स्मारिका आकर्षक नृत्य छ । भिडियोमा मिस्टर आरजे पनि फिचर्ड छन् । यस गीतमा गायिका रोशनीले लगानी गरेकी हुन । यसअघि केहि गीतमा स्वर दिएकी रोशनीले मिस्टर आरजेको टिमसँग काम गर्ने ईच्छा पुरा भएको बताइन् । मिस्टर आरजेले पनि आफ्नो केहिसमय पछिको आशलाग्दो प्रोजेक्टको रुपमा यस गीतलाई लिएको बताएका छन् ।
बिधान कार्कीले निर्देशन गरेको यस भिडियोको प्रोष्ट प्रोडक्सनको काम नेप्सिने फिल्म स्टुडियोले गरेको हो । भिडियोको सहायक निर्देशकमा मनिषा पोखरेल हुन् । भिडियो हरि हुमागाईंले खिचेका हुन् भने बिकाश धमलाले सम्पादन गरेका छन् । भिडियोमा कलर करेक्सनको काम राजेन्द्र मोक्तानले गरेका छन् ।
