मिथिला शर्मालाई विदेशिएको छोराको पिडा (भिडियो)
काम गर्न विदेश जान बाध्य तमाम नेपाली सन्तान र उनीहरुको आमाको कथामा ’आशिर्वाद’ गीतको भिडियो सार्वजनिक भएको छ । भिडियोमा अभिनेत्री मिथिला शर्मा र कलाकार अशोक कुमार तिमल्सिनाले मन छुने अभिनय गरेका छन् । भिडियो :
भिडियोमा कोरोनाका कारण विदेशमा रहेको छोरा नेपाल फर्किन नपाएको र नेपालमा रहेकी आमा बिरामी पर्दा हेर्ने कोही नरहेको कथा समेटिएको छ । छोरा आउने प्रतिक्षामा रहेकी आमाको मृत्यु भएको खबर सुनेपछि पीडाले विदेशमा रहेका छोराको पनि मृत्यु भएको भिडियोमा देखाइएको छ । सार्वजनिक गीतमा केतन क्षेत्रीको स्वर सुन्न सकिन्छ । गीतको शब्द सुरज गैरे ’बिबश’ र अशोक कुमार तिमल्सिनाले लेखेका हुन् भने संगीत सुवास भुषालले दिएका छन् ।
भिडियोको लेखन तथा निर्देशन अशोकले नै गरेका हुन् । पारस तिमल्सिनाले निर्माण गरेको भिडियोलाई राकेश महर्जन, रवि कँडेल र सनिश श्रेष्ठले खिचेका हुन् । भिडियो सम्पादन तथा कलर सुप्रिम पराजुलीले गरेका छन् ।
