कबिर र मिहारिकाको मनले के भन्दैछ ? (भिडियो)
प्रवेश पौडेलको निर्देशनमा ‘भन्दैछ मन’ बोलको गीतको भिडियो सार्वजनीक गरिएको छ । भिडियोमा कलाकार कबिर खड्का र मिहारिका आचार्यले अभिनय गरेका छन् । प्रेमपीडायुक्त भावको गीत प्रसिद्ध चुडालले गाएका हुन भने शब्द रचनामा उनलाई विरोध बुर्लाकोटीले साथ दिएका छन् । भिडियो हेर्नुस् :
‘लम्फू’ फिल्मबाट हिरोका रुपमा डेब्यु गरेका कबिरले त्यसपछि ‘गुन्जन’ फिल्ममा बिशेष भूमिका निर्वाह गरेका छन् । पछिल्लो समय टिभीसी तथा म्युजीक भिडियोमा समेत ब्यस्त रहेका कबिर गीत मन परेकाले भिडियोमा अभिनय गरेको बताउछन् ।
‘अमेरिका ब्वाइज’ पछि अब ‘बिहे पास’ नामक फिल्म निर्देशनको तयारीमा रहेका निर्देशक प्रबेशको ‘भन्दैछ मन’ चाहिँ डेब्यु म्युजीक भिडियो हो । उनले पनि गीत र टिम मन परेकाले भिडियो निर्देशन गरेको बताए । आलोक शुक्लाले खिचेको भिडियाको सम्पादन नवीन निरौलाले गरेका हुन् ।
