सहिमाको ‘मोटर सरर’मा दुर्गेश र विजय (भिडियो)
गायिका सहिमा श्रेष्ठ र बिक्रम रानाको स्वरमा ‘मोटर सरर’ गीत रिलीज भएको छ । अमर वन्तुको शब्द रहेको यस गीतमा राजनराज सिवाकोटीको संगीत रहेको छ । भिडियो हेर्नुस् :
सुव्रतराज आचार्यको निर्देशनमा बनेको भिडियोमा दुर्गेश थापा, विजय पुन, गीता ढुंगाना र सजिना श्रेष्ठको अभिनय रहेको छ । सजीनाले यसै भिडियोबाट म्युजिक भिडियो मोडलिङमा डेब्यू गरेकी हुन् ।
यात्राको क्रममा भेटिएका युवायुवतीहरुबीच शुरु भएको प्रेमलाई गीतको भिडियोमा देखाइएको छ । प्रमोद के.भण्डारीको कोरियोग्राफी रहेको भिडियोलाई उत्सव दाहालले छायांकन गरेका हुन् । सम्पादन विकास दाहालको छ भने भिडियोकी क्रियटिभ डाईरेक्टर जया शर्मा हुन् ।
