नम्रता र प्रकाशको ‘फुटेका चुरा’ टिमको करोडको खुसी
गायक प्रकाश सपुत र गायिका अनिता चलाउनेको सहकार्यमा निर्माण भएको ‘फुटेका चुरा’को गीतको भिडियोलाई युटुवमा एक करोड भन्दा बढी पटक हेरिएको छ । प्रकाश र अनिताले आफ्नो टिमसँग करोड क्लवको सेलिव्रेसन गरेका छन् । भिडियो :
बिहिबार गरिएको कार्यक्रममा सर्जक प्रकाश सपुत र गायिका तथा निर्मात्री अनिता चलाउनेले गीतको युनिटलाई मायाको चिनो प्रदान गरे । केक काटिएको करोड क्लवको सेलिव्रेसनमा नायिका नम्रता श्रेष्ठ, सम्पादक प्रविण भट्ट, एरेञ्जर योगेश काजी र कोरियोग्राफर गम्भिर विष्ट लगायत उपस्थित थिए ।
कार्यक्रममा गायिका चलाउनेले फुटेका चुराको सिक्वेल पनि आउन सक्ने सम्भावना सुनाइन् । प्रकाश र नम्रताले गीतको भिडियोलाई करोड क्लवममा पार्न सहयोग गर्ने सबैलाई धन्यवाद दिए । त्यहाँ गायिका चलाउनेको वर्थको केक समेत काटियो ।
