उदेश श्रेष्ठको ‘मलाई तिमी पर्यो’ (भिडियो)
गायक उदेश श्रेष्ठले नयाँ गीत ‘मलाइ तिमी मन पर्यो’ सार्वजनिक गरेका छन् । आइतबार प्रेसमिट गर्दै सार्वजनिक गरिएको गीतमा स्वयम् गायक श्रेष्ठ नै फिचर्ड छन् । सार्वजनिक गीतमा उदेशकै स्वर र संगीत रहेको छ भने शब्दमा अर्जुन पासवानले सघाएका छन् । भिडियो :
कार्यक्रममा वरिष्ठ गायक प्रेमध्वज प्रधान प्रमुख अतिथि थिए । कार्यक्रममा विशिष्ट अतिथिको रुपमा काठमाण्डू महानगरपालिकाका प्रमुख प्रशासकीय अधिकृत राजेश्वर ज्ञवाली उपस्थित थिए । यस्तै कार्यक्रममा संगीतकार तथा गायक जेम्स प्रधान , राहुल प्रधान , शिव परियार लगायतको उपस्थिति रहेको थियो ।
उदेश्य गीतिसंग्रहमा संग्रहित पहिलो गीतको भिडियो सार्वजनिक कार्यक्रममा उपस्थित गायक प्रधानले उदेशलाई संगीतमा निरन्तरता दिन आग्रह गरे । ‘उदेशले आफैले गाउनुका साथै संगीत गर्न सक्छन र लेख्ने क्षमता पनि रहेछ । अब उनले संगीतमा आफुलाई निरन्तर लगाउनु पर्छ । उनलाई श्रोताले रुचाइसकेका छन् , त्यसैले निरन्तर गीतसंगीत मार्फत साक्षात्कार गर्नु पर्छ’ प्रेमध्वजले भने ।यस्तै कार्यक्रममा उदेशले गायक प्रेमध्वजको सफल गीतहरु गाए । उनले लाइभ ब्याण्डसंग तारा मात्र होइन तिमीलाई , घुम्तीमा न आउ है , तारा मात्र होइन तिमीलाई गीत गाएका थिए । उनले प्रेमध्वजकै अगाडी गीत गाउनु पाउदा आफुलाई भाग्यमानी रहेको बताए । यता गीत सुनिसकेपछि प्रेमध्वजले पनि मुक्तकण्ठले प्रसंसा गरे ।
यो जुनीमा तिम्रो हुन् सकिन , किन मायामा यति धेरै चोट हुन्छ , तिम्रो लागि आज म धेरै लगायतका गीतसंगीत मार्फत दर्शकको मनमा आफ्नो स्थान बनाएका उदेशले यसै गीत मार्फत मोडलिङ सुरु गरेका हुन् । गीतमा उनलाई ,माङ्गसा लिम्बु , सञ्जल भण्डारी र प्रिया लिम्बुले साथ् दिएकी छिन् । गीतमा छेवाङ्ग लामाको निर्देशन रहेको छ । गीत सार्वजनिक कार्यक्रममा उपस्थित राजेश्वर ज्ञवालीले पनि उदेशको प्रसंसा गरे ।
