सन्दिपसँग दिपाले गर्लिन् बिहे गर्ने आँट ? (भिडियो)
कोरोनाका कारण फिल्म ठप्प भएपछि निर्देशक दिपाश्री निरौला म्युजिक भिडियोतर्फ आकर्षित भएकी छिन् । निर्देशक निरौलाले कोरोना कहरका बिच दुई वटा निर्देशन गरेकी छिन् । ‘धनियाँ के होलि’ पश्चात् दिपा निर्देशित र अभिनित ‘आँटीदे मैना’ बोलको म्युजिक भिडियो सार्वजनिक भएको छ । भिडयो हेर्नुस् :
राजेन्द्र भट्ट (मिस्टर आरजे) को शब्द तथा संगीत रहेको गीतको भिडियोमा दिपाश्री निरौला, सन्दिप क्षेत्री र निर्मल शर्माको अभिनय छ । दिपालाई भिडियोमा पनि अविवाहित नारीको भूमिकामा प्रस्तुत गरिएको छ । कविराज गहतराजको कोरियोग्राफी रहेको भिडियोलाई हरि हुँमागाईंले छायाँकन गरेका हुन् । गीतमा स्वर सुगम पोखरेल र समिक्षा अधिकारीको छ ।
आँटी दे मैनामा शब्द रचनामा आरजे र नवराज कलाउनेले सहकार्य गरेका छन् । जितेन्द्र स्वाँर कार्यकारी निर्माता रहेको भिडियो निर्माणमा झन्कर कुँवर र गोकुल कुँवरले लगानी लगाएका छन् । भिडियोको सम्पादन विपिन मल्लले गरेका हुन् ।
