८ जना मोडलले पतिको कुरा काटेको तीज गीत
भदौको तीजलाई लक्षित गर्दै तीज गीतहरु सार्वजनिक भैरहेका छन् । हालसालै गायक खुमन अधिकारीले ८ जना गायिकालाई लिएर तयार गरेको कुरा काटन गीतको भिडियो सार्वजनिक भएको छ ।
गायक अधिकारीकै शब्द रहेको गीतमा देवी घर्ती, शान्ति श्री परियार, शिला आले, सम्झना भण्डारी, पूणर्कला विसी, जुना, सरिता कार्की र सुनिता बुढा क्षेत्रीले स्वर दिएका छन् । दुर्गा पौडेलको शब्द रहेको गीतमा खुमन अधिकारीको मेल भोकल छ ।
शंकर विसीको निर्देशन रहेको भिडियोमा अग्रज र नयाँ पुस्ताका मोडल प्रस्तुत छन् । भिडियोमा विसीसँगै सम्झना बुढाथोकी, विनोद बुढाथोकी, रञ्जिता गुरुङ, सिवन पोखरेल, अञ्जु निरौला, कृष्ण रसाईली, पूर्णिमा श्रेष्ठ, महेन्द्र गौतम, सारिका केसी, विमल अधिकारी, अञ्जली अधिकारी ओवी रायमाझी, दिपासा विसी र करिश्मा ढकालको नृत्य छ ।
