पाँच गायिकाको ‘जीन्दगी घाम छायाँ’तीज गीत रिलिज (भिडियो)
गायिका अनिता चलाउनेले जीन्दगी दुई दिनको घाम छायाँ बोलको तीज गीत ल्याएकी छिन् । दिपक शर्माको शब्द तथा संगीत रहेको गीतमा अनित सहित अन्य चार जना गायिकाहरुको स्वर छ । भिडियो हेर्नुस् :
अनिता सहित रचना रिमाल, एलिना चौहान, समिक्षा अधिकारी र बेनिशा पौडेलले स्वर दिएका छन् । गम्भिर विष्टको निर्देशन रहेको भिडियोको कोरियोग्राफी सुवोल थापाको छ । भिडियोमा पहिलो मिस नेपाल रुवी राणा सहित अनिता, रचना, एलिना, समिक्षा, बेनिशा अनि निश्मा घिमिरे प्रस्तुत छन् । नवराज उप्रेतीको छायाँकन रहेको भिडियोलाई नविन निरौलाले सम्पादन गरेका हुन् ।
गायिका अनिता चलाउनेले गत सालको तीजमा यस्तो बनोस् मेरो तीज बोलको गीत ल्याएकी थिइन् । यसपछि सर्जक प्रकाश सपुतसँग अनिताले ल्याएको फुटेका चुरा बोलको गीत हिट भयो ।
