नविन के.भट्टराईको नयाँ गीतमा राज र बर्षाको जोडी
नायिका बर्षा सिवाकोटी र कलाकार राज कटुवालबिच पछिल्लो केही समयदेखि प्रेम चर्चा छ । चर्चामा रहेको यो प्रेम जोडी पर्दामा प्रस्तुत भएको छ । गायक नविन के.भट्टराईको नयाँ गीत बर्षा र राजले मोडलिंग गरेका हुन् ।
‘संझिरहन्छु’ बोलको गीतमा गायक भट्टराईकै शब्द, संगीत र स्वर छ । नविनले दुई वर्षपछि नयाँ गीत ल्याउन लागेका हुन् । यो गीतको भिडियोको छायांकन यसै साता नगरकोटमा छायाँकन गरिएको छ । नविना भट्टराईको निर्देशन रहेको भिडियोलाई सौरभ लामाले खिचेका छन् । भिडियो चाँडै नै दर्शकमाझ ल्याउने नविनको योजना छ । बर्षा र राजको यो पहिलो भिडियो हो ।
