सलोन बस्नेतले बनाए ‘हेलो ब्रो’
नायक सलोन बस्नेतले ‘हेलो ब्रो’ नामक सिरिज बनाएका छन् । सलोन सलिना फिल्मसको प्रस्तुतीमा सुरेश न्यौपानेले सिरिजलाई निर्देशन गरेका हुन् ।
हेलो ब्रोमा ओजश्वी राज, सुमिन गुरुङ, अलिश्था सुवेदी, मनिषा ओझा, सन्तोष गिरी, सृष्टि तिमल्सिना, विक्रम बोहोरा लगायत कलाकारहरुले अभिनय गरेका छन् । निर्देशक न्यौपानेकै कथा रहेको सिरिजलाई सुमन गुरुङ गज्मेर ले लेखेका हुन् । संगीत प्रशान्त सिवाकोटीको छ । ज्ञानु कुमार कट्टेलको छायाँकन रहेको सिरिजलाई बन्डे प्रसादले सम्पादन गरेका हुन् ।
‘हेलो ब्रो’ प्रत्येक बिहिबार बुढासुब्बा डिजिटलबाट अपलोड भैरहेको छ । यस्को दोश्रो एपिसोड यो बिहिबार रिलिज हुनेछ ।
