सरिता र कमलमणीका छोरा फर्किएनन् (भिडियो)
गायक, रचनाकार तथा संगीतका केशव शर्मा दाहालको ‘फर्कन छोरा’ बोलको गीतको भिडियो र्सावजनिक भएको छ । गीतमा गायक राजेश पायल राईको स्वर र चन्दु गोर्खालीको संगीत संयोजन रहेको छ । भिडियो :
भिडियो मार्फत विदेशिएको आफ्नो छोराको पर्खाइमा रहेका आमा-बुबाहरुको कथा भन्न खोजिएको छ । गीतकार तथा संगीतकार दाहालले गीतलाई लिएर आफु अत्यन्त उत्साहित रहेको भन्दै आफु परदेशमा रहँदा आफ्नो मनमा उब्जिएका अनेकथरि भावनाहरुलाई शब्दको रुपमा अभिव्यक्त गरेको बताएका छन् ।
रंगकर्मी प्रविण खतिवडाले निर्देशन गरेको भिडियोमा कलाकारहरु कमलमणी नेपाल र सरिता गिरीको अभिनय छ । महेश पौडेलले छायांकन गरेको भिडियोको सम्पादन कृष्ण भण्डारीले गरेका हुन् ।
केशव शर्मा दाहालले आफ्नै स्वरमा यस अघि ’चौतारीमा बसौंन पियारी’, ’वैशैमा लाको पिरती’, लगायतका गीतहरु सार्बजनिक गरिसकेका छन् ।
