भुवन र दिपाश्री ‘सम्झिंदै पानी छम्किंदै’ (भिडियो)
गायक सम्राट चौंलागाईंको शब्द तथा संगीतमा ‘सम्झिने पानी छम्किने’ गीत सार्वजनिक भएको छ । रिमेक गरिएको गीतको भिडियोमा भुवन केसी, दिपाश्री निरौला, आकाश श्रेष्ठ र स्वस्तिमा खड्का, गीता ढुंगाना जस्ता स्टारकास्ट छन् । भिडियो :
शनिबार प्रेसमिट गर्दै सम्झिने पानी छम्किने गीतको भिडियो रिलिज गरिएको हो । नेपाली म्युजिक भिडियोका पहिलो मोडल भुवन केसीले दिपाश्री निरौलाको आग्रह र गीत राम्रो भएकाले भिडियो खेलेको बताए । ‘छक्का पञ्जा’ निर्देशक दिपाश्री निरौलाले चाहिं साँगीतिक क्षेत्रलाई चलायमान गराउन आफुले म्युजिक भिडियो गरिरहेको बताइन् ।
भिडियोमा विक्रम स्वाँरको कोरियोग्राफी एवं निर्देशन छ । गीतमा स्वर चाहिं सम्राटसँगै रचना रिमाल, स्मिता दाहाल र ममता गुरुङको स्वर छ ।
