प्रकाश सपुतको ‘कुरा बुझ्न पर्च’ले राख्यो नयाँ रेकर्ड
सर्जक प्रकाश सपुतको नयाँ सृजना ‘कुरा बुझ्न पर्च’ ले युटुवमा नयाँ रेकर्ड राखेको छ । प्रकाशको पछिल्लो गीत युटुवमा अपलोड भएको २५ घण्टामा सर्वाधिक हेरिएको पहिलो भिडियो बनेको छ ।
गत शुक्रबार प्रकाश सपुत अफिसियल युटुव च्यानलबाट अपलोड गरिएको ‘कुरा बुझ्न पर्च’ गीतको भिडियोलाई २४ घण्टामा ९ लाख ८० हजारले हेरेका छन् । यस अगाडी केन्द्र मोसनबाट अपलोड गरिएको ‘टाढा भएपनि’को फिमेल भर्सनलाई चौबिस घण्टामा ९ लाख ७२ हजार पटक थियो । पल शाह र मलिका महत फिर्चड ‘टाढा भएपनि’को भिडियोलाई नायिकाद्वया स्वस्तिमा खड्का र आँचल शर्माको ‘कुरा बुझ्न पर्च’ले उछिनेको हो ।
प्रकाश सपुतको तीज गीत विशेष ‘कुरा बुझ्न पर्च’ मा गायिका द्वाय शान्तिश्री परियार र समिक्षा अधिकारीले स्वर दिएका छन् । गीतले वर्तमान युवतीहरुको आत्मविश्वास र रोजाइलाई प्रस्तुत गरेको छ । फूलमाया विश्वकर्मा र मनमाया क्षेत्रीको भूमिकामा क्रमशः आँचल शर्मा र स्वस्तिमा खड्का फिट देखिएका छन् ।
