दुर्गेश थापालाई बहिष्कार नगरिएको प्रतिष्ठानको विज्ञप्ती
राष्ट्रिय लोक तथा दोहोरी गीत प्रतिष्ठानले गायक दुर्गेश थापालाई बहिष्कार नगरेको जनाएको छ । आइतबार प्रेस विज्ञप्ती जारी गर्दै दुर्गेशलाई बहिष्कार नभई प्रतिष्ठानले साधारण सदस्य नरहने गरी उनको सदस्यता खारेज गरिएको उल्लेख गरेको हो । महासचिव सुवास केसी, संयोजक शिव हमाल र अध्यक्ष रमेश विसीद्वारा जारी विज्ञप्ती यस्तो छ ।
दुई साता अगाडी गायक दुर्गेश थापाले ‘बिच्च बिच्चमा ४ ख्यास्स पुतली’ गीत ल्याएका थिए । ख्यास्स पुलती शब्दमा आपत्ती जनाउँदै राष्ट्रिय लोक तथा दोहोरी गीत प्रतिष्ठानले दुर्गेशलाई बहिष्कार गर्ने धम्की दिएको थियो । तर, हाल भने दुर्गेश थापालाई बहिष्कार नभएर संघको साधारण सदस्यबाट मात्रै हटाइएको प्रेस विज्ञप्ती जारी गरेको हो ।
