एकै फिल्ममा एक्टिङ स्टार र मेघा स्टार, अब के होला ?
एक्टिङ स्टार सौगात मल्ल मुकुन्द भट्टले निर्देशन गर्ने नयाँ फिल्म ‘एक्स नाइन’मा अनुबन्धित भएका छन् । हिजै मात्र मेघा स्टार उपमा पाएका नायक अनमोल केसी अनुबन्धित भएको खबर सार्वजनिक भयो । ‘एक्स नाइन’मा कस्तो हो त एक्टिङ स्टार र मेघा स्टारको सहकार्य ?
सौगात र अनमोल पहिलो पटक एकसाथ स्क्रिनमा देखिन लागेका हुन् । आ-आफ्नै विशेषता बोकेका सौगात र अनमोलको सहकार्य दर्शकका लागि प्रतिक्षित बन्न सक्ने धेरैको आँकलन छ । फिल्ममा सौगात र अनमोलसँगै पुष्प खड्का, अनुपविक्रम शाही, राज कटुवालको पनि अभिनय रहनेछ ।
गोल्डेन हिल्स पिक्चरको प्रस्तुतिमा बन्न लागेको फिल्मको छायाँकन ०२२ को जनावरीदेखि सुरु हुनेछ । फिल्मको छायाँकन नेपालसँगै युरोप, आबुधाबी र क्यानडामा गरिनेछ । यसअघिपनि निर्देशक भट्टले मल्टीस्टारर फिल्म ‘लप्पन छप्पन’ र यस्को सिक्वेल निर्देशन गरेका थिए ।
