गर्भवती ऋचा शर्माले काटिन् किचेन स्टोरको रिबन
नायिका ऋचा शर्मा गर्भवती छिन् । केही महिनामा उनले आफ्नो पहिलो सन्तानलाई जन्म दिदैंछिन् । गर्भवती ऋचाले मंगलबार एक स्टोरको उद्घाटन गरिन् ।
टेकुमा रहेको गोदरेज कम्पनीको मोडुलर किचनको नयाँ शाखा ऋचा शर्माद्वारा उद्घाटन गरिएको हो । विश्वमै उच्च माग रहेको भनिएको यस कम्पनीले नेपालका सात वटा शहर काठमाडौँ, भैरहवा, बारा, रुपन्देही, पोखरा, गैँडाकोटमा ८ वटा शाखा खोलिसकेको छ ।
यो किचेन विभिन्न ६ प्रकारका अत्याधुनिक प्रविधिबाट निर्माण गर्न सकिने, धेरै कलरहरूमा छनौट गर्न सकिने र धेरै वर्षसम्म टिकाउ हुने हुँदा अन्य किचेन भन्दा मुल्यको हिसाबले धेरै सस्तो पर्न जाने निर्माण कम्पनीको दाबी छ । भ्लग र ‘कमेडी च्याम्पियन’मा व्यस्त भैरहेको ऋचा लामो समयपछि स्टोरको उद्घाटनमा निस्किएकी हुन् ।
